Birinchi liga. Bugungi o'yinlar oldidan kimning imkoniyati qanday?

Muxlislar bugun 6ta o'yinga guvoh bo'ladi. “Yozyovon-Lochinlari” - “Orol” bahsi esa o'tkazilmaydigan bo'ldi. Bu haqda saytimizda oldinroq xabar berdik. Turning yan bir uchrashuvi “Paxtakor-2” – “Mashal-2” esa ertaga bo'lib o'tadi. Biz esa odatga ko'ra, bugungi bahslar oldidan jamoalarning g'alabaga bo'lgan imkoniyatini tahmin qilib ko'ramiz. 

16:00. “UzDongJu” - “G'ijduvon”

Ushbu jamoalar o'rtasida kechgan dastlabki bahsda andijonliklar safarda yirik (0:4) hisobida g'alaba qozongandi. Bu safagi to'qnashuvda ham so'zsiz “UzDongJu” favorit deya olamiz. Agarda ushbu jamoa futbolchilari raqibni xurmat qilgan xolda, jiddiy tayyorgarlik ko'rgan bo'lsa bugun ham o'z maydonida yirik hisobda g'alabaga erishishi mumkin. Aytish kerakki, bahs oldidan har ikki jamoa tarkibida yo'qotish bor. Bekzod G'oziev bilan Mirjalol Qosimov ushbu turni diskvalifikaciya tufayli o'tkazib yuboradi. 

Imkoniyatlar: 75x25.

16:00. “Cementchi” – “Nasaf-2”

Quvasoyliklar ham o'tgan turda Qarshidan yirik hisobdagi g'alaba bilan qaytgandi. Balki bundan “Nasaf-2” ustozi Nurali Sultonov kerakli xulosa chiqarib olgandir. Lekin bugungi bahs oldidan baribir mezbonlarning imkoniyatini yuqlori baholaymiz. 

Imkoniyatlar: 60x40.

16:00. “Xotira-79” – “Lokomotiv-BFK”

Namanganda bugun mehmonlar g'alaba bilan qaytishlari hech gap emas. Garchi ilk uchrashuvda “Xotira-79” g'alaba qozongan bo'lsada. CHunki Sunnatillo Abdurasulov boshqaruvidagi “temiryo'lchilar” Toshkentda boy berilgan uch ochkodan so'ng, kerakli xulosa chiqarib olgan bo'lsa ajab emas. Biroq uychiliklar ham o'z maydonida osonlikcha taslim bo'lmasligi aniq. 

Imkoniyatlar: 55x45.

16:00. “Kosonsoy” – “Zomin”

Kosonsoyda qiziqarli o'yin bo'lishini kutish mumkin. O'tgan turda “Zomin” 2:0 hisobida kosonsoyliklarni taslim etgandi. Bu safar endi mezbonlar yutsa kerak, degan tahmin ham yo'q emas. Balki tomonlar durangga imzo chekar. 

Imkoniyatlar: 55x45.

16:30. “Oq-tepa” – “Obod”

Turning markaziy o'yinida yana jiddiy kurash kechishi shubhasizdir. “Obod” o'tgan turda pricipial raqibiga uch ochkoni boy bergandi. Bugun ular endi safardan g'alaba bilan qaytish uchun astoydil o'ynaydi. Har ikki klub ham birinchi o'yindan kelib chiqib, bir-birini o'rgangan bo'lishi aniq. 

Imkoniyatlar: 55x45.

16:00. “NBU-Osiyo” – “Xorazm”

Urganchda kechgan ilk uchrashuvda maydon egalari so'nggi daqiqalarda gol kiritib, irodali g'alabaga erishgandi. Ammo bu safar “bankirlar” o'z maydonida osonlikcha taslim bo'lmaydi. Rufat Akramxo'jaev boshchiligidagi “NBU-Osiyo” har qanday vaziyatda ham o'z uyida ochko ulashmasa kerak. 

Imkoniyatlar: 60x40.