Javlon Anorov: “Mundialga jiddiy tarzda tayyorgarlik ko'ryapmiz”

Ushbu bahsda tomonlar murosa yo'lini tanlashdi (3:3). SHiddatli kechgan o'yindan so'ng terma jamoamiz futzalchisi Javlon Anorovni suhbatga tortdik.

“Ozarboyjon futzal terma jamoasiga qarshi o'tgan o'rtoqlik uchrashuvi juda ham og'ir kechdi. Ushbu nazorat o'yinida yosh futzalchilarni qay holatda ekanini ko'rib oldik. Jahon chempionatiga jiddiy tarzda tayyorgarlik ko'ryapmiz. Ularning tarkibiga etibor bermasdan o'z o'yinimizni namoyish etib (3:3) durang natija qayd etdik. Javob uchrashuvida g'alaba qozonamiz deb o'ylayman.

Mundialga tayyorgarlik ayni qizg'in pallaga kelgan. 5 kun kuniga ikki mahaldan mashg'ulotlar o'tkazyapmiz. SHanba va yakshanba kunlari murabbiyimiz bizga dam beryapti. 26 avgustda Eron davlatiga uchib ketamiz, u erda Eron terma jamoasi bilan ikkita o'rtoqlik uchrashuvida maydonga tushamiz. SHundan so'ng Portugaliya, Ispaniya terma jamoalariga qarshi nazorat bahslarini o'tkazish rejalashtirib qo'yilgan. Portugaliya bilan avval to'qnash kelganmiz. Lekin 4 yil oldingi tarkib bilan hozirgi tarkibni solishtiradigan bo'lsak ularda ham katta o'zgarishlar bo'lgan. Jahonning eng yaxshi futzalchisi Rikardino ham Portugaliyada (kuladi). Ushbu uchrashuvda uni qanday mahorat sohibi ekanligini ko'rib olamiz”, - deydi O'zbekiston terma jamoasi azosi Javlon Anorov.