Xose Mariya Mendez: "Yigitlar o'yindan-o'yinga o'sib borishmoqda"
/ Kiritdi: BestMaster O'qilgan: 896
Kecha futzal bo'yicha O'zbekiston va Ozarboyjon milliy terma jamoalari o'zaro dastlabki o'rtoqlik uchrashuvini o'tkazishdi.
3:3 hisobida o'z yakuniga etgan o'yindan keyin O'zbekiston terma jamoasi bosh murabbiyi Xose Mariya Mendez bahs haqidagi fikrlarini bildirib o'tdi.
"O'yindan qoniqdim, yigitlar o'yindan-o'yinga o'sib borishmoqda. Biz tarkibida 6 nafar braziliyalik o'yinchisi bor bo'lgan yaxshi jamoa bilan o'ynadik. Ular bor kuchlari bilan o'ynashdi.
Biz tarkibdagi deyarli barcha futzalchilardan foydalandik. Birinchi o'yinda o'ynolmagan Ilhom Hamroev va Tohir Abdurazzoqovlar ertaga maydonga tushishadi. Sababi, hozir hammani sinab ko'ryapmiz. Hafta oxirida yakuniy qaror qabul qilishimiz kerak.
Birinchi bo'limda juda ham zo'r o'ynadik, ikkinchi bo'limda esa biroz sustlashdik. Faqat bir narsa yoqmayapti, biz raqibga gollarni "sovg'a" qilayapmiz. Bunday jamoalarga qarshi yosh bolalarcha xatolarni qilmasligimiz kerak", - deydi Xose Mendez.
Bosh sahifaga
744