Dilshod Rahmatov: "Kolumbiyaga dam olgani bormaymiz"

3:3 hisobida o'z yakuniga etgan o'yindan keyin O'zbekiston terma jamoasi azosi Dilshod Rahmatovning fikrlari bilan qiziqdik.

"O'yinni yaxshi o'tkazdik, Ozarboyjon kuchli jamoa. Ko'rganingizdek asosiy o'yinchilari braziliyaliklar. Biz uchun hisob eng muhim jihat emas edi, shunga qaramay yigitlar yaxshi o'ynashdi.

Jahon chempionatiga tayyorgarlikni davom ettirayapmiz, bu yo'lda mana shunday kuchli jamoalar bilan o'ynab malakamizni oshirib borayapmiz. Mashg'ulotlarda o'rganayotgan narsalarimizni o'rtoqlik o'yinlarida sinab ko'rayapmiz.

Maqsadimiz - Kolumbiyada o'z o'yinimizni namoyish etish. CHunki, u erga shunchaki dam olgani emas, o'zbek futzali qay darajada o'sib borayotganini ko'rsatish uchun boramiz", - deydi Rahmatov.