Seydu Keyta Sardor Rashidov bilan birga o'ynaydi
/ Kiritdi: BestMaster O'qilgan: 1425
"Barselona", "Valensiya" va "Roma" klublarida o'ynagan mashhur futbolchi Qatarda o'ynaydigan bo'ldi.
Mali terma jamoasida 100dan ortiq o'yin o'tkazgan Seydu Keyta Qatarning "Al Jayish" klubi bilan 6 oylik shartnomaga imzo chekdi.
Bu haqda Qatar klubi rasmiy sayti elon qildi.
Keyta Evropada "Marsel", "Loryan", "Lans", "Sevilya", Osiyoda Xitoyning "Dalian Aerbin" kabi klublarda ham faoliyat olib borgan.
"Al Jayish" yozgi transfer bozori vaqtida Seydu Keytadan tashqari Muhammad Abdrab ("Al Xairitiat"), Dame Traore ("Lahviya"), Fahd Abdull ("Al Xor") va Hamza Senhaji kabi futbolchilarni o'z safiga qo'shib oldi.
18 avgust kuni Seydu Keytaning tanishtiruv marosimi bo'lib o'tadi.
Malumot uchun, Keyta OCHL talabnomasida "Al Jayish"ning marokashlik legioner hujumchisi Abdulrazzoq Hamdallahning o'rnini egallaydi. Hamdallah tizzasidan jiddiy jarohat olib safdan chiqqan.
Eslatib o'tamiz, o'zbekistonlik Sardor Rashidov o'ynayotgan "Al Jayish" klubi OCHL chorak finalida BAAning "Al Nasr" klubiga qarshi o'ynaydi.
Bosh sahifaga
499
28 May 2026, 12:34