Rasman: "Qo'qon-1912" birinchilardan bo'lib o'z safiga kirbersportchini qo'shib oldi

O'zbek futbolida ilk jamoa paydo bo'lgan Qo'qon shahrining "Qo'qon-1912" klubi O'zbekistonda birinchi bo'lib kiberfutbolchi bilan shartnoma imzoladi. Qo'qonliklar xalqaro turnirlarda muvaffaqiyatli ishtirok etib kelayotgan "Bankir" nikli Dilshod Matyakubov bilan bitim imzolashdi. Tomonlar orasidagi kelishuv 1 yilga mo'ljallangan.

Oldinroq UFF va PFL ko'magida "Virtual Football" kompaniyasi PCFL (Professional Cyber Football League) ligasining ilk mavsumini o'tkazishi haqida elon qilgan edik. O'sha xabarda ligada qatnashish huquqini qo'lga kiritgan kibersportchi futbol bo'yicha O'zbekiston chempionati ishtirokchisi bo'lgan klub bilan shartnoma tuzish imkoniyatiga ega bo'lishi ham ko'zda tutilgan edi.

Eslatib o'tamiz, sentyabr oyida kiberfutbol bo'yicha birinchi O'zbekiston chempionatida ishtirok etish uchun saralash bahslari bo'lib o'tadi. Turnirning final bosqichida kuchli 16 ta jamoa safidan o'rin olgan ishtirokchilar oliy liga, kulchi 32 talikka kirgan qolgan 16 jamoa birinchi ligada ishtirok etish huquqini qo'lga kiritadi. Ushbu musobaqa kibersportni hamda oliy liga klublari imijini rivojlantirish maqsadida tashkil etilmoqda.