Artur Parvanov: “G'alaba qozonishimiz shart”

O'tgan turda Jizzaxda “So'g'diyona”ga imkoniyatni boy bergan namanganliklarni bu safar faqat g'alaba qoniqtiradi. Namangandagi uchrashuv oldidan “Navbahor” posboni Artur Parvanov o'yin haqidagi o'z fikrlari bilan o'rtoqlashdi:

- Natijalarimizga qarab baho beradigan bo'lsak, har bir turda jamoamizni faqat g'alaba sari maydonga tushishga undamoqda. O'z maydonimizda faqat g'alaba qozonishimiz shart. Bu safar muxlislarimiz va murabbiylarimizni uyaltirmasligimiz lozim. Ular bizga ishonishmoqda. Ishonchni esa yutuq orqali oqlashimiz mumkin. Uchrashuvdan oldin jamoaning kayfiyati chin manoda jangovor. Mashg'ulotlar davomida oldingi himoyadagi xatolar ustida ishlamoqdamiz.

"Navbahor" matbuot xizmati