Oliy liga. "Andijon"ning safardagi ilk g'alabasi

Malumki, "Neftchi" o'z maydonida kuchli futbol namoyish etadigan jamoalar sirasiga kiradi. 

Farg'onaliklar bungacha o'z uylarida "Bunyodkor"ni mag'lub etib, "Lokomotiv" bilan durang o'ynashgandi. Ammo kutilmaganda "Andijon"ga yutqazib qo'yishdi. Natijada "Andijon" bu yilgi oliy ligada ilk bor safarda g'alaba qozondi. Bungacha 9ta uchrashuvni safarda o'tkazgan "Andijon" shularning hammasida yutqazgan, jamoa hatto durang qayd etmagandi. 

"Andijon"ning safar bellashuvlaridagi to'plar nisbati 8-24 ko'rinish oldi. Yana shuni aytish mumkinki, kechagi yutqazish "Neftchi"ning o'z maydonidagi ikkinchi mag'lubiyati bo'ldi. Jamoa dastlabki mag'lubiyatni birinchi davrada "So'g'diyona"dan qabul qilib olgandi.