Zangiota hokimi Kubogi. XTB g'olib!
/ Kiritdi: BestMaster O'qilgan: 1176
Xabar berganimizdek, kecha bir oy davom etgan Zangiota hokimi Kubogining final uchrashuvi bo'lib o'tdi.
Hal qiluvchi uchrashuvda "Nazarbek" qishloq fuqarolar yig'ini va tuman xalq talimi boshqarmasi jamoalari maydonga chiqdi. Qiziqarli, hujumkor ruhda o'tgan bellashuvda XTB 2:0 hisobida g'alaba nashidasini surdi. Aytish kerak, har ikkala gol ham bir-biridan chiroyli tarzda darvozadan joy oldi. Birinchi golda Dilshod Yunusmatov professionallarga xos tarzda harakat qildi. Futbolchi jarima maydoni tashqarisida bir "zamax" bilan himoyachini "yiqitib", tezlik bilan darvozabonni oldiga yaqinlashdida, yana bir "zamax" orqali uni ham maydonga "qulatdi" va osonlik bilan to'pni uning ustidan darvozaga tashlab qo'ydi. Ochig'i, bunday gollarni anchadan beri oliy va birinchi liga o'yinlarida ham ko'rmay qo'ygandik. Ikkinchi gol esa, 35 metrlardan urildi. Hasan Abdullaevning zarbasini traektoriyasi shunday chiroyli chiqdiki, finalni rostakamiga bezab, muxlislarga quvonch bag'ishladi. SHu tariqa XTB musobaqa g'olibiga aylandi. Final bahsi yakunlangach, g'olib va sovrindorlarni taqdirlash marosimi bo'lib o'tdi.
ZANGIOTA HOKIMI KUBOGI - 2016
NAZARBEK - XTB - 0:2 (0:1)
20 avgust. Keles. "Z.Jalilov" o'yingohi. 620 tomoshabin.
Gollar: Dilshod Yunusmatov, 17 - 0:1. Hasan Abdullaev, 42 - 0:2.
Bosh sahifaga
80