Zidan: "Real" asosiy tarkibini aniqlayotganimda boshim og'riydi"

"Mehmondagi o'yin qiyin bo'lishini bilgan edik, ammo uchrashuvning boshidan yaxshi o'ynadik. Mavsumni yaxshi boshlash muhim. Hammasidan ko'nglim to'ldi, har bir futbolchi bor kuchini ishga soldi. Biz birgalikda hujumga o'tib, birga himoyalandik.

Asosiy tarkib tanlayotganimda boshim og'riydi. Asensio uchrashuvning ilk daqiqalaridan maydonga tushdi va yaxshi o'ynadi. Isko va Xames ham shunday harakat qildi. Bundan tashqari, Beyl uchun xursandman. Uning jismoniy holati qolganlarnikidek yaxshi emas, ammo u qanday o'ynaganini o'zingiz ko'rdingiz. Bu yil Garet uchun juda muhim bo'ladi" - deydi Zidan.