Sanjar SHoahmedov: “Biz bekordan bekorga shu bosqichgacha etib kelmadik”

“Al–Ayn”ga qarshi jiddiy tayyorgarlik o'tkazdik. Ko'proq jismoniy holatga etibor qaratdik. Bazida 2 mahalldan mashg'ulotlar o'tkazdik. CHempionatimizning ikkinchi davrasida “Al–Ayn”gacha 5 ta o'yin o'tkazdik. SHuni o'zi ham biz uchun katta tayyorgarlik bo'ldi. Murabbiylarimiz bizni ushbu bahsga jiddiy tayyorladi. Nasib qilsa safardan yaxshi natija bilan qaytamiz. “Al–Ayn”ni 2,3 ta o'yinlari yozilgan video lavhasini ko'rib, o'rganib chiqdik.

Murabbiylarimiz bizga raqibimizni qaysi tomoni kuchli qaysi tomoni kuchsiz, shularni tushuntirdi. Ularda chempionat hali boshlanmagan. Bizda esa chempionatimiz ayni qizg'in pallada. “Al–Ayn” faqat o'rtoqlik uchrashuvlarini o'tkazishdi. O'rtoqlik o'yini bilan rasmiy uchrashuvlarni farqi katta. Balki ular ham bizga qarshi jiddiy tayyorgarlik ko'rishgandir. “Al–Ayn” ham kuchli jamoa. 23 avgust kuni yaxshi natija qayd etamiz degan umiddaman. Safardan durang natija bilan qaytish yomon natija emas. Lekin iloji boricha 3 ochko bilan qaytishga intilamiz. Raqib jamoada u futbolchi o'ynar ekan, u kuchli ekan degandan ko'ra futbolni yig'ishtirib qo'ygan yaxshi. “Al–Ayn”ga qarshi kim maydonga tushsa ham hayiqmagan holda o'ynaydi. Biz hech bir jamoadan cho'chimaymiz. Jamoadagi barcha yigitlar har qanday jamoaga qarshi bir xil o'yin ko'rsatadi. Biz bekordan bekorga shu bosqichgacha etib kelmadik. Balki ular ham bizdan cho'chishayotgandir. Nasib qilsa safardan g'alaba bilan qaytamiz”, - deydi “Lokomotiv” klubi yarim himoyachisi Sanjar SHoahmedov.

Jahongir Sotvoldiev