OCHL. “Al Ayn” o'zbek klublariga qarshi o'z maydonida qanday o'ynagan?

Uchrashuv mahalliy vaqt bilan 19:30 (Toshkent vaqti bilan 20:30)da start oladi.

BAAning “Al Ayn” klubi qitadagi nomdor klublar sirasiga kiradi. Ular 2003 yilgi OCHLda birinchi o'rinni qo'lga kiritishgan. Xo'sh, bu jamoa bungacha o'z maydonida O'zbekiston klublariga qarshi qanday o'ynagan?

Avvalo shuni aytish lozim, “Al Ayn” o'z uyida bizning jamoalarga qarshi hozircha to'rt marta o'ynagan bo'lib, bugun beshinchi uchrashuvni o'tkazadi. Statistikaga qaraydigan bo'lsak, “Al Ayn” maydonidan faqat “Paxtakor” 2010 yil 1:0 hisobida g'alaba qozonib ketgan va o'yindagi yagona golni hozir “Loko”da to'p surayotgan Artur Gevorkyan kiritgan.

Nasib qilsa, bugun “Loko” ham bu erdan g'alaba bilan qaytishga harakat qiladi. Xuddi olti yil oldin bo'lgani kabi Gevorkyan bugun ham to'p kiritsa ajab emas. SHunday ekan, “temiryo'lchilar”ga faqat va faqat omad tilab qolamiz. Quyida esa “Al Ayn”ning o'z maydonida o'zbek klublariga qarshi bahslarini keltirib o'tamiz.

OCHL-2006. Guruh bosqichi
6-tur. 28 may, 2006.
“Al Ayn” – “Mashal” 2:1

OCHL-2010. Guruh bosqichi
1-tur. 24 fevral, 2010.
“Al Ayn” – “Paxtakor” 0:1
Gol: Gevorkyan, 60.

OCHL-2015. Guruh bosqichi
4-tur. 7 aprel, 2015.
“Al Ayn” – “Paxtakor” 1:1
Gol: Kembo Ekoko, 20 – Sergeev, 45+2.

OCHL-2016. Guruh bosqichi
6-tur. 3 may, 2016.
“Al Ayn” – “Nasaf” 2:0
Gol: Asprilla 39, Ahmad 90.