Qiziq fakt. "Andijon" va "Olmaliq" durang qayd etgani yo'q

CHempionatimizning 19-turi ortda qoldi. Qizig'i shundaki, "Olmaliq" hamda "Andijon" jamoalari raqiblari bilan bo'lgan o'yinlarda durang natijasini qayd etishmagan. Ushbu jamoalar ishtirokidagi uchrashuvlarda murosa ko'chasi tanlangani yo'q.

"Olmaliq" o'tkazilgan 19ta o'yinning 7tasida g'alaba qozongan bo'lsa, qolgan 12ta bellashuvni raqiblariga boy bergan.

"Andijon" esa 19ta bahsdan 5tasida g'alaba nashidasini surgan. Qolgan 14ta uchrashuvda andijonliklar maydonni mag'lub holda tark etishgan.

"Olmaliq" turnir jadvalida 9-pog'onani egallab turgan bo'lsa, "Andijon" 14-o'rinda bormoqda.