Ueyn Runi bilan intervyu

Unda Runi eng sekin va tez o'yinchilar, sevimli musiqasi, goli, Joze Mourino, Ibragimovich va boshqa turli mavzularda berilgan savollarga fikrlarini aytib o'tdi.

– Joze Mourino bilan ishdan qanday taassurotlarga egasiz?

– Barchasi ajoyib. Qo'limizni tushirmasdan ishlayapmiz. Endi uning barcha sobiq klublari bilan nega muvaffaqiyatga erishgani tushunarli. Uning qo'l ostida keyingi uchrashuvlarni sabrsizlik bilan kutyapman.

– Maydonda qanday qilib etakchiga aylandingiz? Buni o'rgandingizmi yoki hammasi o'z-o'zidan sodir bo'ldimi?

– O'z-o'zidan. Roy Kin, Gari Nevill, Stiven Jerrard va boshqa o'yinchilar o'zini qanday tutishini kuzatdim – bu izsiz ketmadi. Jamoadagi sheriklarim mendan nima kutishi va ulardan nima kutishimni tushunib etdim.

– Xayriya fondingiz Afrikada ishlaydimi?

– Hozircha biz men va oilamga aloqasi bor bolalar bilan ishlayapmiz. Ayni paytda bu mahalliy toifada amalga oshirilmoqda. Kelajakda kengayishni rejalashtiryapmiz. SHu jumladan, Afrika hududida ishlashni ham.

– Eng sevimli o'yiningiz qaysi?

– Moskvada “CHelsi”ga qarshi CHempionlar ligasi finali. O'yin oson kechmagan, penaltilar seriyasi hammasini hal qilgandi. Yutqazadiganga o'xshagandik. Lekin o'sha g'alabadan keyin barcha ishonib bo'lmas hislarni tuydi. Boshqa uchrashuvlarda bunday rohatlanish bo'lmagandi.

– “MYU”ning eng tez futbolchisi kim?

– Antonio Valensiya, Antoni Martial, Lyuk SHou.

– Jamoa futbolchilari odamda nima istemol qilishadi?

– Meva, yogurt bilan nonushta qilamiz. Tushlikda spagetti, tovuq go'shti, baliq eyish mumkin. Kechki ovqatda esa tovuq va sabzavotlar. Hammasi oddiy, hatto etmaydigandek tuyuladi. Muhimi holatni birdek saqlash.

– Qanday musiqa tinglaysiz?

– Indi-rokni yoqtiraman: Jeyms Bey, Ed SHiran, Stereofoniks. Men uchun bu eng yaxshi musiqa. Ular kulay olishadi, cholg'ularni chalishadi va shu bilan boshqa musiqachilardan farq qilishadi.

– “Yunayted”ning eng sekin futbolchisi kim?

–Deyli Blind (kuladi). U barchasini tez o'ylashi bilan maromga keltiradi.

– Bu mavsum sizdan o'ziga xos gollar kutsak bo'ladimi?

– Umid qilamanki, ha. Har bir urilgan gol yoqimli. Qiyin uchrashuvda g'alaba goli tasavvur qilish mumkin bo'lganidan yaxshiroq. Bunday to'plar uzoq vaqt esda qoladi.

– Qaysi golingiz xotirannizda saqlanib qolgan?

– “Manchester Siti”ga qarshi chalqanchasiga urgan golim eng yaxshisi. U derbida bizga g'alaba keltirgan. Eng ko'p saqlanib qolgani esa 19-chempionlik keltirgan uchrashuvda “Blekbern” darvozasiga penaltidan kiritgan to'pim.

– Qachondir murabbiy bo'lishni xohlarmidingiz?

– Ha. Futbol – butun hayotim. Murabbiy licenziyasini olishga umid qilaman. Faoliyatimni tugatganimda bu bilan shug'ullanaman. Kimdir menga shunday imkon taqdim etsa, bu bilan mashg'ul bo'laman.

– Zlatan Ibragimovich bilan birgalikda o'ynash xohishi kuchlimi?

– Ha. Uni jahonda oxirgi o'n yillikda eng yaxshi hujumchilardan biri deb hisoblayman. U har bir klubida sovrin yutgan. Umid qilamanki, biz chiqishib ketamiz.

Behzod NAZAROV tayyorladi.