Eron milliy terma jamoasi Italiyadagi yig'ini davomida ikkita o'rtoqlik uchrashuvi o'tkazdi

Keyrush boshchiligidagi jamoa Italiyada o'tkazilgan 12 kunlik o'quv-mashg'ulot yig'ini davomida ikkita o'rtoqlik uchrashuvida maydonga tushdi.

Dastlab, 19 avgust kuni V seriyasi vakili “Spal” jamoasiga qarshi maydonga tushgan forslar Ansoriy, Kamyabiniya hamda Bahdor kiritgan gollar evaziga 3:0 hisobida g'olib keldi.

23 avgustda esa Eron Italiya B seriyasi yoshlaridan tuzilgan terma jamoaga qarshi o'ynab, yirik – 4:0 hisobida g'alaba qozondi. Bu uchrashuvda Jahonbaxsh dubl qayd etgan bo'lsa, Azmun hamda Taremi o'z hisoblariga bittadan gol yozib qo'yib, Eronning g'alabasini taminladi.

Ayni vaqtda FIFA reytingida Osiyo qitasi mamlakatlari orasida birinchi o'rinni egallab turgan Eron Jahon chempionati saralashining uchinchi bosqichi doirasida 6 oktyabr kuni Toshkentda O'zbekiston milliy terma jamoasiga qarshi maydonga tushadi. Ushbu bosqichdagi birinchi o'yinini portugaliyalik mutaxassis shogirdlari 1 sentyabrda Qatarga qarshi o'z uylarida o'tkazishadi.