Samvel Babayan: "Burkina-Faso bizni hayron qoldira oldi"

- Qiyin bellashuvni o'tkazdik. Terma jamoalar miqiyosida oson o'yinlar bo'lmaydi. G'alaba qozonganimizdan xursandman. O'yin uchun futbolchilarga tashakkur bildiraman.

Nimadan qoniqmadim? Umuman olganda yaxshi o'ynadik. Futbolchilarning ko'pchiligi har xil holatda. Bu ham o'yinga o'z tasirini o'tkazdi.
Bu o'rtoqlik o'yinini tashkil etish tashabbusi kimdan chiqdi? Meni ishim jamoani o'yinga tayyorlash. Bu savolga Terma jamoalar markazi javob beradi.

Burkina-Faso bizni hayron qoldira oldi. Ularning may oyida Qozog'iston bilan bo'lgan uchrashuvini ko'rgandik. O'shanda ular o'z darvozalari daxlsizligini saqlab qola olishgandi. Raqib ham bugun etakchi futbolchilari bilan kelgani yo'q. Muhim bahs oldidan bizga taqdim etilgan sparring raqibdan qoniqdim. O'yindagi xato va kamchiliklarni o'rganib chiqib, futbolchilar bilan chuqur tahlil qilamiz.

Vitaliy Denisovning sog'ligi joyida, hech qanday jiddiy jarohat yo'q. Men Pashinin va Denisov bilan ham gaplashdim. Biz har doim aloqada bo'lib turibmiz.

Igor Sergeev? Ha, Sergeev anchadan beri gol urgani yo'q. Lekin men uning imkoniyatlarini yaxshi bilaman. Suriyaga qarshi bahsgacha hali vaqt bor va men Igorga kerakli so'zlarni topib, uni optimal formaga qaytishiga ko'maklashaman.

Xitoyda Sergeev har doim ham o'z joyida o'ynayotgani yo'q. SHuningdek, uning jamoasida Turkiya terma jamoasining asosiy hujumchisi Burak o'ynamoqda. Yilmaz bilan esa raqobatlashish oson ish emasligini barcha biladi. Sergeev muhim o'yinga qadar yaxshi tayyorgarlikka ega bo'lishini taminlaymiz, - deydi Samvel Babayan.

SHahboz Beg'amov