Virtual futbol bo'yicha "UCG-FIFA CUP" Respublika ochiq turniri start olmoqda
/ Kiritdi: BestMaster O'qilgan: 1112
O'FF va PFL qo'llab quvvatlashi yordamida "Virtual Football" kompaniyasi tomonidan Playstation 4 FIFA16 bo'yicha "UCG-FIFA CUP" Respublika ochiq turniri tashkil etilmoqda.
Respublika Grand finali Toshkentdagi "Bunyodkor" stadionida bo'lib o'tadi va undagi TOP 20 o'yinchilar FIFA17 dan start oladigan "PCFL" Oliy ligasiga, TOP 36 esa "PCFL" birinchi ligasiga yo'llanma oladilar.
Turnirni o'tkazishdan maqsad O'zbekistonda kiber futbolni rivojlantirish va yosh futbol ishqibozlarining bo'sh vaqtini mazmunli o'tkazish.
Saralash bahslari Toshkent, Farg'ona, Urganch, Qarshi, Buxoro va Samarqand shaharlarida bo'lib o'tadi.
Toshkent shahri va Toshkent viloyati vakillari uchun saralash poytaxtda o'tkaziladi.
Farg'onada vodiy ahli uchun, Buxoroda Buxoro hamda Navoiy viloyatlari vakillari uchun, Samarqandda Samarqand, Guliston va Jizzax viloyati ishtirokchilari uchun, Qarshidagi saralash Qashqadaryo va Surxondaryo viloyati vakillariga, Urganch shahridagi saralash bahslari esa Xorazm viloyati va Qoraqalpog'iston Respublikasi vakillari uchun o'tkaziladi.
Saralash bahslaridan muvaffaqiyatli o'tgan ishtirokchilar Toshkentdagi "Bunyodkor" stadionida "Grand Final" musobaqasida ishtirok etishadi. Eslatib o'tamiz, musobaqada 18 yoshga to'lmaganlar ishtirok eta olishmaydi.
Tashkilotchi "Virtual Football" kompaniyasi.
Bosh sahifaga
145