Futzal: O'zbekiston terma jamoasining o'rtoqlik o'yinlari taqvimi
/ Kiritdi: BestMaster O'qilgan: 1320
Futzal bo'yicha O'zbekiston terma jamoasi 26 avgust kuni Jahon chempionati oldidan navbatdagi o'quv yig'inini o'tkazish uchun Eronga jo'nab ketadi.
O'FF majlislar zalida bo'lib o'tgan matbuot anjumanida terma jamoa bosh murabbiyi Xose Mariya Mendes terma jamoaning Jahon chempionati bahslari oldidan o'tkazadigan yig'inlari va o'rtoqlik uchrashuvlarini tasdiqladi. Unga ko'ra, dastlab Eronda 28 va 29 avgust kunlari Eron terma jamoasiga qarshi ikkita uchrashuv o'tkazilsa, mazkur o'yinlardan so'ng terma jamoa delegaciyasi Portugaliyaga yo'l oladi.
Portugaliyaning Portu shahrida o'tkaziladigan yig'inda Xose Mariya Mendes jamoasi 1 sentyabr kuni Portugaliya, 2 sentyabr kuni esa Ispaniya terma jamoasiga qarshi o'rtoqlik uchrashuvlarida maydonga tushadi. Nihoyat, Jahon chempionati startidan oldingi so'nggi o'rtoqlik uchrashuvi Kolumbiyada, Jahon chempionati starti arafasida, mundialning yana bir ishtirokchisi Italiya terma jamoasiga qarshi bo'lib o'tadi.
Eslatib o'tamiz, O'zbekiston terma jamoasi Jahon chempionati "A" guruhida Kolumbiya, Portugaliya hamda Panama terma jamoalariga qarshi o'ynaydi.
O'zbekiston terma jamoasining Jahon chempionatiga qadar o'tkazadigan o'rtoqlik uchrashuvlari ro'yxati:
Mashhad, Eron.
28 avgust.
Eron – O'zbekiston
29 avgust.
Eron – O'zbekiston.
Portu, Portugaliya.
1 sentyabr.
O'zbekiston – Portugaliya.
2 sentyabr.
Ispaniya – O'zbekiston
Kali, Kolumbiya.
6 sentyabr.
Italiya - O'zbekiston
Bosh sahifaga
229
