SHavkat Saidov: "Nihoyat bizning foydamizga mavsumdagi birinchi penalti belgilandi"

- “Obod” bilan uchrashuv oson kechmasligini bilardik. CHunki “Obod” oliy ligadagi o'rnini saqlab qolishga intilayapti va har bitta o'yinda g'alaba uchun maydonga tushmoqda. Bugungi natijadan qoniqmadik, ammo biz uchun bitta xursandchilik keltiradigan yangilik bo'ldi. Nihoyat bizning foydamizga mavsumdagi birinchi penalti belgilandi. Bevosita o'yinga to'xtaladigan bo'lsam, birinchi bo'limda bizda ikkita, mezbonlarda bitta gollik imkoniyatlar bo'ldi. Ammo ikkala jamoa ham vaziyatdan foydalanishda oqsadi. Ikkinchi bo'limda esa tashabbusni mezbonlarga berib qo'ydik. Murabbiylarimiz bilan keyingi uchrashuvga qadar bu o'yinni chuqur tahlil qilamiz. Yo'l qo'yilgan xatolarni boshqa takrorlamaslik ustida ishlaymiz, deydi SHavkat Saidov.

"Metallurg" matbuot xizmati