Artur Yunusov: "Muxlislarning olqishi biz uchun juda muhim"

Terma jamoamiz sardori Artur Yunusov safar oldidan o'z fikrlari bilan o'rtoqlashdi.

"Jahon chempionatida birinchi marta ishtirok etamiz, shu sababli oldimizga katta vazifalar qo'yilmagan. Lekin, birinchi maqsadimiz guruhdan chiqish. U erda qanday jamoalarga qarshi o'ynashimizni aniq bilmaymiz, mundial havosiga tezroq ko'nikishga harakat qilamiz.

Kolumbiyada jamoamizga omad tilayman, chunki sportda omadning ham o'rni kam emas. Mundialda o'zbek xalqini huddi Olimpiadada qatnashgan sportchilarimiz singari xursand etamiz deb umid qilaman.

Muxlislarga bizni qo'llab-quvvatlang va bizga ishoning deb qolaman. Sizning daldangiz va olqishingiz biz uchun juda muhim", - deydi Yunusov.