Dilshod Jo'raev: “Futbolda mag'lubiyat va g'alaba yonma-yon yuradi”

Unda Andijonning “Andijon” jamoasi o'z uyida Buxoroning “Buxoro” klubini qabul qilib yirik hisobda mag'lubiyatga uchradi. Ushbu uchrashuvdan so'ng “Andijon” klubi futbolchisi Dilshod Jo'raev o'z fikrlari bilan o'rtoqlashdi.

“Kecha “Buxoro” klubi ancha mazmunli futbol namoyish etdi. Biz muxlislarimiz ko'z oldida hujumkor futbolni namoyish etmoqchi bo'ldik, ammo raqiblarimiz bizni qarshi hujumda jazolab ketdi. Avvaliga yo'l qo'ygan qo'pol xatolarimiz evaziga o'z darvozamizdan 2ta to'p olib chiqdik. SHunday bo'lsada hujumlarni aslo susaytirmadik va yanada katta kuch bilan oldinga o'tdik. Hisobni qisqartirgan bo'lsakda yana o'sha qo'pol xatolar tufayli raqiblarimiz yana ikki bor darvozamizni ishg'ol qildi.  

Bu futbol. Futbolda mag'lubiyat va g'alaba yonma-yon yuradi. Bahsdan so'ng kiyim almashtirish xonasida ham birinchi bo'lib muxlislarimiz haqida o'yladik. “Paxtakor”ni mag'lub etganimizdan so'ng o'z uyimizda ikkita alamli mag'lubiyatni qabul qilib oldik. Biz yangilangan tarkib bilan o'ynayapmiz. Bir safar yaxshi o'yin o'tkazsak boshqa safar yomon o'yin o'tkazyapmiz jamoada barqarorlik yo'q. Kechagi mag'lubiyat uchun muxlislarimizdan uzr so'rayman”, - deydi “Andijon” klubi futbolchisi Dilshod Jo'raev.

Jahongir Sotvoldiev