Olmaliqda tug'ilgan futbolchi Germaniya terma jamoasiga chaqirildi
/ Kiritdi: BestMaster O'qilgan: 2404
Stefan Kunc boshchilik qiladigan 21 yoshgacha bo'lgan futbolchilardan tashkil topgan Germaniya terma jamoasi 2 va 6 sentyabr kuni Slovakiya hamda Finlyandiyaga qarshi uchrashuv o'tkazadi.
Germaniya U21 terma jamoasi 2 sentyabr kuni Slovakiya bilan o'rtoqlik uchrashuvi, 6 sentyabr kuni esa finlyandiyaliklarga qarshi U21 Evropa chempionati saralash uchrashuvi o'tkazadi. Germaniya futbol federaciyasi ushbu o'yinlarga chaqirilgan futbolchilar ro'yxatini elon qildi.
Buning etiborli jihati shundaki, Germaniya U21 terma jamoasiga ilk marotaba chaqirilganlar orasida biz oldinroq elon qilgan - Olmaliqda tug'ilgan Anton Valdemar ham bor. Anton ayni damda "Gannover" klubi sharafini himoya qiladi. 20 yoshli futbolchi 2015 yilda ushbu nemis klubi bilan professional shartnoma imzolagan edi.
Germaniyalik yoshlar ayni damda Evropa chempionati saralashining ettinchi guruhida birinchi o'rinni egallab turibdi. 21 yoshgacha bo'lgan futbolchilar o'rtasidagi Evropa chempionati 2017 yil (16-30 iyun kunlari) Polshada bo'lib o'tadi.
Bosh sahifaga
959
11 Iyun 2026, 19:45