Ueyn Runi: "Siti"ga qarshi o'yin mavsumning eng muhim bahsi bo'lmaydi"

- Mourinyu "CHelsi"da sovrin yutgan damlarda jamoa mavsum startini ko'ngildagidek boshlagan. Biz uchun ham startni muvaffaqiyatli boshlash muhim ahamiyat kasb etardi. Dastlabki uchta o'yinda buni amalga oshira oldik, desam mubolag'a bo'lmaydi.
Joze jamoaga o'z mentaliteti sanalgan g'oliblik ruhini olib kira oldi. Bu narsa har jabhada ko'rinib turibdi. Oxirgi yillarda aynan shu narsa bizga etishmayotgandi.

Mavsumning dastlabki pallasi endi boshlandi. Terma jamoalar o'yini oldidan kichik tanaffusga alo kayfiyatda yo'l olishimiz yaxshi bo'ldi.

"Manchester Siti"ga qarshi o'yin oldidan g'alaba qozonganimiz jamoaga ishonch bag'ishlaydi.

Derbida qanday natija qayd etilishidan qatiy nazar bu o'yin mavsumning eng muhim bahsi bo'lmaydi.
Lekin bu to'qnashuvni barcha kutmoqda. Klub vakillari, futbolchilar, jurnalistlar, ishqibozlar va boshqalar. Bu nafaqat derbi maqomidagi o'yin, balki Joze va Pep qarama-qarshiligi bo'lgani uchun ham ko'pchilik uchrashuvni intiqlik bilan kutmoqda.

SHuni aniq aytish mumkinki, o'yin juda qiziqarli kechadi.