O'zbekiston U-16 o'smir qizlari OCH saralashidagi ilk g'alabasini qo'lga kiritishdi

Ayni kunlarda Osiyoning to'rtta davlatida U-16 o'smir qizlar o'rtasidagi Osiyo chempionati saralash o'yinlari davom etmoqda. Vetnam mamlakati mezbonlik qilayotgan saralashning "D" guruhi 3-turi doirasida Gonkong o'smir qizlariga qarshi maydonga tushgan O'zbekiston U-16 o'smir qizlari musobaqadagi ilk g'alabasini qo'lga kiritishdi. Ikkinchi bo'limda ikkita gol kiritgan o'zbekistonlik o'smir qizlar yakunda 2:0 hisobida g'alaba qozonishdi va ochkolari sonini 4taga etkazib olishdi.

Eslatib o'tamiz, guruhdagi ilk uchrashuvda Vetnamga 1:2 hisobida mag'lub bo'lgan o'zbekistonlik o'smirlar 2-turda Falastin o'smirlari bilan durang o'ynashgan edi – 1:1. Navbatdagi turda, O'zbekiston terma jamoasi 1 sentyabr kuni Iroq terma jamoasiga qarshi maydonga tushishsa, so'nggi turda, 3 sentyabr kuni guruh peshqadami Avstraliyaga qarshi o'ynaydi.

U-16 o'smir qizlar o'rtasida OCH saralashi.

"D" guruhi, 3-tur.

29 avgust. Xanoi, Vetnam.

O'zbekiston U-16 – Gonkong U-16 – 2:0.

Gollar: Tojiniso Rashidova (52), Diyora Erkinova (77).

O'zbekiston U-16: Zarina Saidova, Ozoda Xojieva, To'raeva Marjona, SHaxnoza Yusupova, So'g'diyona Allamurodova (SHahzoda Fozilova, 46), Albina Boboqulova, Anora Farmonova, Ilvina Kamalieva (Diyora Erkinova, 37), Tojiniso Rashidova (Parvina SHomirzaeva, 90), Mehriyona Toirova, Madina Hikmatova.