O'zbekiston o'smirlar terma jamoasi Slovakiyada yig'in o'tkazmoqda
/ Kiritdi: BestMaster O'qilgan: 1011
15 sentyabrda boshlanadigan o'smirlar o'rtasidagi Osiyo chempionatiga tayyorgarlik jarayonini davom ettirayotgan O'zbekiston U-16 terma jamoasi navbatdagi o'quv-mashg'ulot yig'inini Slovakiyada olib bormoqda.
Ushbu yig'in 28 avgust kuni boshlandi va 3 sentyabrgacha davom etadi. Mashg'ulotlar Slovakiyaning Miyava shahrida olib borilyapti. Bir haftalik yig'in davomida Temur Olimxo'jaev shogirdlari Slovakiya o'smirlar terma jamoasi bilan ikkita o'rtoqlik uchrashuvi o'tkazadi. O'yinlarning dastlabkisi 30 avgust kuni o'tkazilsa, ikkinchi o'yin 1 sentyabr kuniga rejalashtirilgan.
O'zbekiston o'smirlar terma jamoasi 3 sentyabrda Slovakiya yig'inidan qaytib, bir hafta Toshkentda mashg'ulot o'tkazadi. 9 sentyabr kuni musobaqa o'tkaziladigan Hindistonning Goa shahriga yo'l oladi. Turnir oldidan Goada Avstraliya o'smirlari bilan o'rtoqlik ucharashuvi o'tkazish bo'yicha kelishuvga erishilgan.
Eslatib o'tamiz, O'zbekiston o'smirlar terma jamoasi Osiyo chempionati final bosqichida KXDR, Tailand hamda Yaman o'smirlar terma jamoalari bilan bir guruhdan o'rin olgan.
Slovakiyadagi yig'inda ishtirok etayotgan O'zbekiston U-16 tarkibi:
Darvozabonlar: Jasur Umrzoqov, Abduvohid Nematov
Himoyachilar: Mardon Abdullaev, SHoxzamon Xayrullaev, Ixtiyor Xoldorov, Islom Karimov, Muhammadali Nomozov, Burxon Hasanov, Abubakr Mo'ydinov
Yarim himoyachilar: Asadbek Sobirjonov, Rasul Yo'ldoshev, Oston O'runov, Baxromjon Soatov, G'ayrat Azizxo'jaev, Abdug'ani Kamolov
Hujumchilar: Doniyor Abdumannopov, Ibrohim G'anixonov, SHuxrat Nematov
Bosh sahifaga
526
15 Iyun 2026, 11:43