“Lokomotiv” PFK barcha yurtdoshlarimizni Mustaqillik bayrami bilan tabriklaydi!

Mustaqillik hech shubhasiz har bir isnsonga berilishi mumkin bo'lgan eng oliy nematdir!

Bu yil davlatimiz hurriyatiga 25 yil to'ldi. O'tgan vaqt oralig'ida yurtimizda keng ko'lamli ishlar amalga oshirildi. Bunyodkorlik yo'lida shahar va qishloqlar zamonaviy ko'rinish oldi, joylarda yangi va ravon yo'llar, ko'rkam inshootlar barpo etildi. Xalqimiz mustaqil bo'lgach, o'z ona tiliga,

milliy valyutasiga va eng asosiysi o'z Konstituciyasiga ega bo'ldi.

“Lokomotiv” futbol klubining bosh homiysi – “O'zbekiston temir yo'llari” akcionerlik jamiyati tomonidan Mustaqillikka erishganimizdan so'ng bir qator ishlar amalga oshirildi. Yangi yo'llar va yangi bekatlar qurilib foydalanishga topshirildi. “Afrosiyob” tezyurar poezdining yo'lga  qo'yilishi, “Qamchiq” tunnelining ochilishi, Toshkent – Andijon yo'nalishi bo'ylab yo'lovchi pozedning qatnashi hamda temiryo'l sohasiga oid boshqa yangiliklar – bularning barchasi aynan Mustaqlllik tufayli deya baralla ayta olamiz.

Davlatimiz Mustaqil bo'lgach, sportga bo'lgan etibor oshdi. SHaxsan Prezidentimiz Islom Karimovning tashabbusi bilan Milliy olimpiya qo'mitasi hamda boshqa bir qator sport tashkilotlari tashkil etildi. O'zbekiston bo'ylab boshqa sohalar qatori sport rivoj topdi. Yaqinda bo'lib o'tgan Rio-2016 Olimpiadasidagi yutuqlar ham aynan Mustaqillik, yoshlarga berilayotgan imkoniyat tufaylidir.

“Lokomotiv” futbol klubi o'zi ishtirok etayotgan barcha turnirlarda muvaffaqiyatli odimini davom ettiryapti. Nasib qilsa, futbolchilarimiz muxlislarga sovrinli o'rinlarni qo'lga kiritish orqali quvonch ulashadi degan umiddamiz.

Malumki, bu yil O'zbekiston Respublikasi mustaqilligiga 25 yil to'ldi. SHu munosabat bilan “Lokomotiv” futbolchilari xalqimizni o'zgacha tarzda tabriklashni lozim topishdi. Quyidagi suratga etibor bersangiz, har bir futbolchi qo'lida bittadan raqam. Pastki qatorda o'tirgan to'rttala o'yinchimiz 

ham 1991 yilda tug'ilgan va ular 25 yoshni qarshi olishdi. Bular – Temurxo'ja Abduxoliqov, Sardor Mirzaev, Salim Mustafoev va Bobir Tillaboev.

Yuqori qatordagi futbolchilarimiz zsa (chapdan boshlab SHerzod Fayziev, Sanjar SHoahmedov, Sadriddin Abdullaev, Mamur Ikromov, Ikrom 

Aliboev) 2016 va #25 yozuvini ko'tarishgan. Bu esa 2016 yil davom etayotganidan va Mustaqil bo'lganimizga 25 yil to'lganidan darak beradi.

“Lokomotiv” PFK yana bir bor yurtdoshlarimizni Mustaqillik bayrami bilan tabriklaydi. Tinchligimizga ko'z tegmasin, osmonimiz doim musaffo bo'lsin, xalqimiz baxtiga Yurtboshimiz omon bo'lsinlar!

“Lokomotiv” PFK matbuot xizmati.