O'zbekistonlik kiberfutbolchilar WSVG CIS FINAL 2015 sensaciya qayd etdi

Bu haqda infocom.uz sayti xabar bermoqda. Musobaqada Rossiya, Ukraina, Belarusiya, Ozarbayjon va O'zbekistonning eng kuchli esportchilari ishtirok etdi. Ishtirokchilar 32 nafar: 22 nafar Rossiya va 10 nafar MDH vakillari Maldivda o'tadigan World Series of Video Games Maldives 2015 professional turnirida ishtirok etish yo'llanmasini qo'lga kiritish uchun bahs olib bordi. Final sensaciyasi shundaki, turnirda O'zbekistonning 5 nafar esportchisi qatnashdi va guruh bosqichini muvaffaqiyatli o'tkazdi, Muhamadamin Turg'unboev esa musobaqada ikkinchi o'rinni egalladi.

Musobaqaning guruh bosqichida har bir ishtirokchi 7tadan o'yin o'tkazishi  va 8 nafardan tashkil topgan guruhdagi eng yaxshi 4 ishtirokchi keyingi bosqichiga yo'l olishi lozim edi.

Barcha esportchilarimiz guruh bosqichidan muvaffaqiyatli o'tdi va ular xalqaro turnirning top-16 ga kira olishdi. Keyingi bosqichlarda Muhamadamin Turg'unboev barcha raqiblarini mag'lub etdi, ammo finalda u Robert Faxretdinovga mag'lub bo'ldi va World Series of Video Games Maldives 2015 yo'llanmasini qo'ldan chiqardi.

Qayd etish joizki ushbu esportchilarimiz o'z yonlaridan pul sarflab ushbu turnirda ishtirok etishdi.

FIFA turnirlarini doimo o'tkazishda katta yordam bergan "Alyans Arena" va Abdusapi Qayumov minnatdorchilik bildiramiz - deyiladi infocom.uz saytida.