"Al Nasr"dan soxta osiyolik chiqdi, Rashidov jamoasiga g'alaba yozilishi mumkin
/ Kiritdi: BestMaster O'qilgan: 1576
Qatarda bo'lib o'tgan "Al Jayish" - "Al Nasr" uchrashuvida BAAlik futbolchilar yirik, 3:0 hisobida g'alaba qozonishgan edi.
Mazkur uchrashuv atrofida katta muammo yuzaga keldi. Yodingizda bo'lsa, bundan bir necha oy muqaddam BAAning "Al Vasl" jamoasi safida o'zbekistonlik bo'lmagan, ammo soxta pasport bilan, osiyolik legioner sifatida BAA Pro ligasidan ro'yxatdan o'tgan Fabio de Lima haqida malumot chiqqan edi. "Al Nasr" bilan ham huddi shunday muammo yuzaga keldi.
Asli braziliyalik bo'lgan, shu kungi uchrashuvda dubl qayd etgan Santos Vanderley BAA Pro ligasida Indoneziya fuqarosi sifatida qayd etilgan ekan. Buni bilib qolgan "Al Jayish" rahbariyati "Al Nasr"ni reglamentga amal qilmaganini bildiruvchi xatni OFKga yo'llagan. O'z navbatida klub Indoneziya FFga murojaat qilib, ulardan bunday futbolchi yo'qligi haqida malumot olganlar. Buni Indoneziyaning topskor.co.id sayti ham tasdiqlagan.
Ayni paytda OFK mazkur holat yuzasidan tekshiruvni boshlab yubordi. Agar "Al Nasr" aybdor deb topilsa va reglamentni buzganligi isbotlansa, "Al Jayish" texnik g'alaba bilan keyingi bosqich yo'llanmasini qo'lga kiritishi mumkin.
Eslatib o'tamiz, mazkur juftlik g'olibi OCHL yarim finalida, "Lokomotiv" (Toshkent) va "Al Ayn" (BAA) juftligi g'olibiga qarshi bahs olib boradi.
Bosh sahifaga
96