Ayman Al Hakim: "Mag'lubiyatdan fojea yasamaymiz, O'zbekiston haqli ravishda g'alaba qozondi"

"Yaxshi o'yin bo'ldi. O'zbekistonga qarshi o'yinda shogirdlarimning harakatlaridan qoniqish hosil qildim. O'zimiz o'ylagan o'yinimizni namoyish eta oldik. SHu sababdan ham ular uzoq vaqt davomida darvozamizga yo'l topa olishmadi. Buni kutgandik. Kichik xato o'yin taqdirini hal qildi. Lekin, bundan fojea yasamaymiz. Keyingi o'yinlarga tayyorlanishda davom etamiz.

Albatta taktik o'yin bo'ldi. Zarba berishga imkon bo'lishi bilan zarba berdik. Imkon bo'lmagan paytlarda esa uzun paslar orqali hujum uyushtirishga urindik. O'yinni himoyada ushlab turmoqchi edik. 

Mana shunday katta stadionda Suriya terma jamoasi bosim ostida o'ynadi. Bunga tayyor emasdik. Bugun Osiyoning eng kuchli jamoalaridan biriga qarshi o'ynadik. 

Nimaga Makao emas, Malayziya? Biz OFKdan bu borada xat oldik. Makaoda o'ynay olmasligimiz borasida. SHu sababdan ham Malayziya varianti tanlandi. Endi uy o'yinlarimizni o'sha erda o'tkazamiz.

Futbolda xatolar bo'lib turadi. Nima uchundir gol bo'lgan vaziyatda jamoa hakamning o'yinni to'xtatishini kutib qoldi. Jamoa qotib qoldi... Na chora, futbolda bunday vaziyatlar bo'lib turadi.

SHuni qo'shimcha qilishni istayman: O'zbekiston terma jamoasi haqli ravishda g'alaba qozondi. Tabrigimni qabul qiling!

Keyingni o'yingacha bo'lgan muddat juda qisqa. Xatolarimizdan hulosa chiqargan holda keyingi o'yinga taktik tomonlama tayyorgarlik ko'rishimiz lozim", - deydi suriyaliklar murabbiyi.

Aziz To'xtamurodov