Odil Ahmedov: “Mustaqilligimizning 25 yilligi bilan barcha yurtdoshlarimizni tabriklayman”

Ushbu bahsdan so'ng O'zbekiston terma jamoasi sardori Odil Ahmedov o'z fikrlarini bildirdi.

“JCH 3-saralash guruh bosqichida ilk o'yindagi g'alaba suv va havodek zarur edi. Suriya termasiga qarshi juda ham qiyin o'yin bo'ldi. Maydonning holati ham talabga javob bermaydi. Biz o'zimiz istagan o'yinni ko'rsata olmadik. Lekin eng asosiysi natija, 3 ochkoni qo'lga kiritdik. Futbolda har xil vaziyat bo'ladi, Suriya himoyaviy o'yin ko'rsatdi. Raqibimiz himoyaga yotib olgani uchun darvozagacha borishga qiynaldik. Hozirgi zamonaviy futbolda tezkor qarshi hujumda gol uriladi. Suriya bizga bunday imkoniyatni taqdim etmadi, shuning uchun ham birinchi bo'limda gol ura olmadik. Biz bor etiborimizni Suriyaga qarshi o'yinga qaratgan edik. Suriya to'sig'idan ham o'tib oldik, endi Qatar terma jamoasini o'rganishni boshlaymiz. Nasib qilsa Qatardan 3 ochko bilan qaytamiz. Mustaqilligimizning 25 yilligi uchun ham biz g'alaba qozonishimiz shart edi. Mana shu ulug' bayram bilan yurtdoshlirimizni tabriklayman”, - deydi O'zbekiston terma jamoasi sardori Odil Ahmedov.

Jahongir Sotvoldiev