Ali Abdulnabi boshqargan o'yinlarda O'zbekiston yutqazmagan
/ Kiritdi: BestMaster O'qilgan: 1157
Qatar va O'zbekiston o'rtasidagi o'yinda bahraynlik Ali Abdulnabi boshchiligidagi hakamlar ishlashi haqida xabar berdik.
Ushbu hakam O'zbekiston terma jamoasi ishtirokidagi ikkita o'yinda ishlagan.
JCH-2014 saralashi doirasidagi Qirg'iziston - O'zbekiston uchrashuvida Ali Abdulnabi hakamlik qilgandi. O'sha bahsda vakillarimiz safarda 3:0 hisobida zafar quchishgandi.
Osiyo Kubogi-2015 saralashi doirasidagi O'zbekiston - Gongkong uchrashuvida ham aynan shu hakam faoliyat olib borgandi. Bu o'yinda hisob ochilmagandi - 0:0.
Ali Abdulnabi o'zbek klublari ishtirokidagi bir qator o'yinlarda ham ishlagan.
2010 yilgi OFK kubogi guruh bosqichi doirasidagi "Nasaf" - "Kazma" uchrashuvida 1:2 hisobi qayd etilgan. OCHL-2012 chorak finali doirasidagi "Bunyodkor" - "Adelaida Yunayted" o'yinida 3:2 hisobida "qaldirg'ochlar" g'alaba qozonishgan. OCHL-2013 guruh bosqichi doirasidagi "Bunyodkor" - "Beyjing Goan" bahsida 0:0 hisobi qayd etilgan. O'sha yilgi musobaqada bu hakam "Paxtakor"ning safarda "Al SHabab" bilan o'yinida ham ishlagan. O'shanda "sherlar" BAAda 1:0 hisobida g'alabaga erishishgandi.
Nihoyat 2016 yilgi OCHL guruh bosqichidan o'rin olgan "Lokomotiv" - "Sepaxon" uchrashuvida "temiryo'lchilar" 1:0 hisobida g'alaba qozonishgan.
Narzulla Saydullaev
Bosh sahifaga
193