Qatar bosh murabbiyi: "Futbolchilarga O'zbekistonga qarshi bahsda bor kuchlari bilan o'ynash kerakligini uqtirdik"

O'zbekiston milliy terma jamoasi bilan bahsdan so'ng, Qatar milliy jamoasi Janubiy Korea, Suriya va Xitoy milliy terma jamoalariga qarshi maydonga chiqadi.

Qatar murabbiyi, Hose Karreno kechagi mashg'ulotdan so'ng Qatar futbol associaciasi rasmiy saytiga intervyu berdi:

"Futbolchilarga Erondan qabul qilingan alamli mag'lubiyatni unitishlarini va O'zbekistonga qarshi bahsda bor kuchlari bilan o'ynash kerakligini uqtirdik. Tarkib bilan bog'liq hech qanday muammolar yo'q. Futbolchilarning hech biri jarohatlanmagan. Har bir o'yinchidan O'zbekiston bilan bo'ladigan o'yinda foydalanishimiz mumkin. SHu o'rinda, muxlislardan bevosita stadiondan turib o'z milliy jamoalarini qo'llab-quvvatlashlarini so'ragan bo'lardim. CHunki, muhlislar o'yinchilarimizning ruhiyatini ko'tarishdagi asosiy omildir”.

Eslatib o'tamiz, Qatar milliy terma jamoasi Jahon CHemponati-2018 so'nggi saralash bosqichida Eronga qarshi bahsda, o'yinning qo'shib berilgan daqiqalarida Rizo G'uchanajjot va Alirizo Jahonbahsh tomonidan urilgan gollar evaziga Ozodiy stadionida mag'lubiyatga uchragandi.