Ueyn Runi himoyachiga aylanib bormoqda(mi?)

Bahs 1:0 hisobida inglizlarning g'alabasi bilan yakunlandi, ammo uchrashuvdagi yagona gol o'yinga qo'shib berilgan so'nggi daqiqalarda urildi. 

"Manchester Yunayted" forvardi Ueyn Runi himoya, yarim himoya va hujumda jamoadoshlariga yordam berishi bilan ko'pchilikning mehrini qozongan. Ammo so'nggi o'yinlarda bu harakatlar tanqidlarga sabab bo'lmoqda.

"DailyMail" taqdim etgan tahliliy suratlarda "uch sherlar" hujumchisi Runi forvard joyida emas, balki yarim himoyachi va xatto himoyachi rolida o'ynagani ko'rinib qolgan.

O'tgan hafta "Xall Siti"ga qarshi APLning 3-tur o'yinida "Manchester Yunayted" futbolchisi raqib maydoni ichida bor-yo'g'i 8 marotaba to'pga tekkan. Slovakiyaga qarshi bahsda esa Runi raqib jarima maydonchasida to'p bilan o'ynamagan.

Slovakiyaliklar bilan uchrashuvda Runining yordamisiz qolgan makaziy hujumchi Garri Keyn 82-daqiqada almashtirildi. Deniel Starrij uning o'rniga maydonga tushdi. Bu "shporlar" hujumchisi uchun katta ruhiy zarba bo'lishi mumkin.

Ingliz nashri taqdim etgan yana bir suratda Runi himoyachidan ham orqaroqda turgan aks etgan. Jon Stouns Angliya terma jamoasining markaziy himoyachisi hisoblanadi, ammo Runi xuddi so'nggi himoyachidek joy egallagan.

Uchrashuvdan keyingi matbuot-anjumanida Angliya terma jamoasi ustozi Sem Ellardaysdan Runining poziciyasi haqida so'rashdi.

"Runi maydonda o'zi istagan poziciyada o'ynadi, u markazni boshqardi. Men Ueynga bu erda yoki boshqa erda o'yna deya olmayman, chunki u mendan ko'ra ko'proq xalqaro tajribaga ega. U yaxshi o'ynadi, ammo uni hujum chizig'ida ko'rmoqchiman" - dedi Ellardays.