Pol Skoulz: "Hozir pul APL uchun birinchi o'rinda turadi, "Barselona"da esa biznez va o'yin o'rtasida muvozanat bor"

"Angliyada namoyish etilgan ajoyib futbolni topa olmayapman. Atrofdagi barcha ingliz futbolini eng yaxshi deb atashmoqda.

Fikrimcha, hozir jahonning eng yaxshi ligasi Ispaniyada. Germaniyada ajoyib jamoalar bor. Italiyada ham futbol yomon emas. Inglizlar esa A Seriyani zerikarli deb o'ylashadi, ammo chemionatni diqqat bilan kuzatadiganlar u erda nima bo'layotganini yaxshi bilishadi. "Yuventus" Premer-liganing har qanday top-klubini mag'lub etishi mumkin. Turinliklar buni "Manchester Siti"ga qarshi bahsda isbotlashgan. Lekin bizda shunday tasavvur uyg'onganki, xuddi ular faqat himoyada o'tirishadi.

Evropa turnirlari bo'yicha tahlil qiladigan bo'lsak, ispanlar - eng zo'ri. CHL va EL chorak finallarida ularning 16 jamoasidan 6 tasi ishtirok etdi. Bu deyarli yarmi. APLda esa bor-yo'g'i ikkita. Bazilarini hisobga olmasak, jahonning eng yaxshi futbolchilari ham boshqa mamlakatlarda - Ispaniyada, "Bavariya" yoki "Yuventus"da. Biz Messi yoki Neymarni Angliyada ko'rmaymiz.

To'g'risini aytsam, menga "Solford" ishtirokidagi yoki o'g'lim o'ynaydigan jamoalar o'yini qiziq. So'nggi ikki yil davomida yuqori sifatli o'yin bo'ldimi? "Ux, daxshatli bahs" deydiganichi? Eslash juda qiyin. Afsuski, APL uchun birinchi o'rinda futbol emas pul va homiylar bo'lib qolgan.

"Barselona"da esa biznes va o'yin o'rtasida muvozanat bor. Bu klub muxlislarga tegishli. Ular klub foyda keltirishini istashadi, ammo bu asosiy maqsad emas. Kataloniya klubi katta g'alabalarga intilishadi va bu eng yaxshi futbolchilarni o'ziga jalb qiladi" - deydi Skoulz.