“Lokomotiv” O'zbekistonning eng kuchli kiberfutbolchilari bilan shartnoma imzoladi

Butun dunyoda yangi sport turiga aylanib borayotgan Kiberfutbol vakillari Jahon chempionatlari va Jahon Gran-prilarida vatanimiz sharafini himoya qilib kelmoqdalar.

“Lokomotiv” futbol klubi ham O'zbekistonning eng kuchli kiberfutbolchilari bilan shartnoma imzoladi. Birinchi marta o'tkazilayotgan O'zbekiston chempionatida klubimiz sharafini to'rt nafar kiberfutbolchi himoya qiladi. Ushbu kiberfutbolchilar Jahon chempionatlari, Jahon Gran-prilari, MDH kuboklari, O'zbekiston chempionatlarida eng yuqori natijalarni qayd etib kelishmoqda.

SHu munosabat bilan “Lokomotiv” futbol klubida kiberfutbolchilarga o'zlari tanlagan raqamlarni topshirish marosimi bo'lib o'tdi. Marosimda “Lokomotiv” futbol klubi bosh direktor o'rinbosari To'labek Akramov so'z olib yurtimizda va dunyoda kibersportni judayam tez ommaviylashib borayotganini takidlab o'tdi va kiberfutbolchilarimizga boshlanajak mavsum oldidan omad tiladi. SHu o'rinda jamoa sardori, Jahon arenalarida tanilgan kibersportchi Abdusapi Qayumov ham so'z olib “Lokomotiv” klubi sharafini nafaqat O'zbekistonda, balki butun dunyoda munosib himoya qilishga harakat qilishini aytib o'tdi.

Quyida kiberfutbolchilarimiz bilan tanishtirib o'tamiz:

77 raqam. Abudasapi Qayumov, Abdusapi_Legend. Professional kibersportchi. 

Xitoyda o'tkazilgan Jaxon chempionatida TOP 6 kiberfutbolchisi qatoridan o'rin olgan. Ikki karra O'zbekiston chempioni.

Qo'lga kiritgan yutuqlari:

F I F A 1 3
- 1 o'rin – Tashkent regional [Asia Games], 2013 ( PC )
- 3o'rin – Qualification to the Asian Games, FIFA 13 ( PC)
- 1 o'rin – UCG2013,Tashkent Regional , FIFA 2013, 2013 (PC)
- 1 o'rin – WorldCyberGames: Uzbekistan,WCG 2013 ( PC )
- 1 o'rin – Uzbekistan Shampion,UCG 2013 ( PC )

F I F A 1 4
- TOP8 – Grand Final [WorldCyberGames] in China (Kunshan), 2013 ( PC )
- 1 o'rin – ESWC Uzbekistan, 2014 ( PS4)
- 1 o'rin – Uzbekistan Shampion,UCG 2014 ( PC )
- 1 o'rin – Allianz Arena Pro A league, 2014 ( PS4)

F I F A 1 5
- Ishtirokchi – ESWC Grand Final in France (Paris), 2014 ( Xbox One )
- 1 o'rin – Joma Cup in Uzbekistan, 2014 ( PS4)
- TOP4 – Project X 2 season CIS ,2015 (Online) ( PS4)
- 3 o'rin – CIS (SNG) Stars CUP -2015 (Online) ( PS4)
- TOP 8-10 – Kvalifikaciya CIS WSVG Maldives, Moscow (Russia) (FIFA 15, PS4)
- TOP2 – Uzbekistan CUP -2015 (Tashkent) ( FIFA15 , PS4)

F I F A 16
- 3 o'rin – The Legend Legue ( Allianz e`sport ) (PS4)
- TOP 4 – Project X 4 season CIS ,2016 (Online) ( PS4)
- Top 5-6 – Cup of Friendship of Peoples CIS Tashkent – (April, 2016) ( PS4)
- 1 o'rin – The Legend CUP [Allianz e`sport ], Tashkent -(April, 2016) ( PS4 )
- 1 o'rin – Project X – 3 season Uzbekistan , Tashkent -(July, 2016) ( PS4 )

7-raqam. O'ktam Ibragimov _Rembo

2013 yildan beri kibersport bilan shug'ullanib kelmoqda.

Qo'lga kiritgan yutuqlari:
- TOP 8. Uzbekistan Cyber Games-2014 (Tashkent) ( FIFA15 , PS4)
- 1 o'rin – Uzbekistan CUP -2015 (Tashkent) ( FIFA15 , PS4)
- TOP 8. Cup of Friendship of Peoples CIS Tashkent – (April, 2016) ( PS4)

11-raqam. Sanjar Usmonov – Blancos

2014 yildan beri kibersport bilan shug'ullanib kelmoqda.

Qo'lga kiritgan yutug'i:
- TOP 16. Cup of Friendship of Peoples CIS Tashkent – (April, 2016) ( PS4)

26-raqam. Mirazizov SHerzod – Shurlle 

2011 yildan beri kibersport bilan shug'ullanib kelmoqda.

Qo'lga kiritgan yutuqlari:
- TOP 16. Cup of Friendship of Peoples CIS Tashkent – (April, 2016) ( PS4)
- 1 o'rin. Allianz Cup.

O'zbekiston chempionatida qatnashish uchun dastlab saralash baxslari o'tkaziladi. Dastlab kiberfutbolchilar viloyat va shahar bosqichlarida qatnashib va undan muvaffaqiyatli o'tgan Respublika finaliga yo'l oladilar va ushbu finalda kuchli 64 kiberfutbolchi o'zaro kuch sinashadi. Kuchli 20 talikka kirgan ishtirokchilar Oliy ligada qatnashish imkoniyatiga ega bo'ladilar. Yana 16 ishtirokchi esa birinchi ligada ishtirok etadi.
Kiberfutbol saralash bahslari FIFA 16 o'yini PS4 (PlayStation 4)da o'tkaziladi.
Oliy Liga baxslari esa FIFA 17 o'yinida PS4 (PlayStation 4)da o'tkaziladi. Musobaqaga shu yilning noyabr oyida start beriladi.