Geynrixning selfisi birinchi o'rinda bo'lishi kerak edi...

Men O'zbekiston terma jamoasi safida urilgan gollarning eng chiroyli nishonlanishi borasida reyting tuzib chiqishga qaror qildim.

2011 yil
O'zbekiston - Qirg'iziston
Aleksandr Geynrix

JCH-2014 saralashi 2-bosqichida O'zbekiston terma jamoasi Qirg'iziston bilan pley-off bahsida to'qnash kelgandi. Toshkentda o'tgan birinchi o'yinda vakillarimiz katta tashabbusga erishganlar. Biroq ha deganda raqib darvozasini ishg'ol qilishning uddasidan chiqa olishmagandi. Nihoyat 28-daqiqaga kelib Geynrix hisobni ochgan va golini qo'lini bir biriga urib nishonlagandi.

2015 yil
O'zbekiston - Saudiya Arabistoni
Sardor Rashidov

Avstraliyada o'tgan Osiyo Kubogi guruh bosqichining so'nggi turida terma jamoamiz Saudiya Arabistoniga qarshi maydonga tushgan. Melburn shahrida bo'lib o'tgan uchrashuvda O'zbekistonga faqat g'alaba kerak edi. Bahsning 120-soniyasi o'tib borayotganda hisob ochilgandi, Sardor Rashidov arablar posbonining ikki oyog'i o'rtasiga to'pni kiritib yuborgach xursandchiligini shunday nishonlagandi.

2006 yil
Osiyo o'yinlari
O'zbekiston - BAA
Aleksandr Geynrix

Rauf Inileev boshchiligidagi O'zbekiston olimpiya terma jamoasi bilan birga Qatardagi Osiyo o'yinlarida ishtirok etgandi. Terma jamoamiz BAA bilan o'yinda urilgan golni antiqa tarzda nishonlagandi. 

2011 yil
Osiyo kubogi
O'zbekiston - Iordaniya
Ulug'bek Baqoev

O'zbekiston Osiyo kubogi-2011 chorak finali doirasida Iordaniya bilan o'ynagandi. 2-raqamli hujumchimiz Ulug'bek Baqoev ikkinchi taymda ikki marta raqib darvozasini ishg'ol qilib gollarini deyarli bir xil tarzda nishonlagandi. Bu o'yindagi g'alaba bizni ilk bor qita chempionati yarim finaliga olib chiqqandi.

2011
U-17 Jahon chempionati
O'zbekiston - Yangi Zelandiya
Temur Hakimov

Aleksey Evstafeev boshchiligidagi o'smirlarimiz Meksikada o'tgan Jahon chempionatida chorak finalga qadar etib borgandi. Terma jamoamiz azosi Temur Hakimov mundialdagi birinchi golini mana shunday tarzda nishonlagandi. Keyinchalik Hakimov bu golni o'z sevgan qiziga ataganini malum qilgandi.

2016
JCH-2018 saralashi
O'zbekiston - Suriya
Aleksandr Geynrix

Yaqindagina Toshkentda o'tgan Suriya bilan o'yinda Aleksandr Geynrix g'alaba keltirgan golni o'zgacha tarzda nishonladi. Uning selfisi butun dunyoga mashhur bo'lib ketdi va o'zbek futbolida yangilik bo'ldi. Aslida Sashaning bu nishonlashi birinchi o'rinda bo'lishi kerak edi, KERAK EDI!...Ming afsus

2016
JCH-2018 saralashi
Qatar - O'zbekiston
Egor Krimec

Abadiy qalbimizdasiz! Boshqa hech nima yoza olmadim...

Narzulla Saydullaev