SHodi Nomozov: "Urosh Miloslavlevichga qarzodorlik to'lanadi"

Gap, shundaki 2011 yilda klubda serbiyalik Urosh Miloslavlevich faoliyat olib borgandi. Futbolchi "SHo'rtan"dan barcha pullarini ololmagani uchun FIFAga arznoma yuborgan. FIFA bu holatni ko'rib chiqib "SHo'rtan"ni aybdor deb topdi.

Bu masalada "SHo'rtan" klubi ijrochi direktori SHodi Nomozov "Futbol Ekspress" gazetasiga intervyu berdi.

- Darhaqiqat, jamoamizda 2011 yilda Urosh Miloslavlevich degan futbolchi o'ynagan, - degan so'z boshladi Nomozov. Biroq u bilan o'sha paytda oxirigacha hisob-kitob qilinmagan ekan. Bu vaziyatda anglashilmovchilik bo'lgan. Klub o'zining hisob kitobi bo'yicha qarzi yo'qligini aytgan, ammo futbolchining Zoran ismli agenti FIFAga aynan klubning qarzi borligi haqida ariza yozgan. FIFA buni ko'rib chiqib rostdan qarzi borligini malum qilgan. Natijada O'FFga "SHo'rtan"dan uch ochko olib tashlashni buyurgan. Biz albatta futbolchining qarzini to'lash borasida ishlarni olib borayapmiz. To'loq miqdori esa ko'proq.

Bo'lib o'tgan ishlardan o'zimiz uchun tegishli xulosalarni chiqardik. Bundan buyon futbolchilar bilan o'z vaqtida hisob kitob qilinadi. 2015 yil yakunlariga ko'ra o'zimizning o'yinchilarimizdan ham qarzodorliklar bor edi. Hozirga kelib uning 80-90 ofizi to'landi. Tez kunlarda barcha qarzodorliklardan qutulamiz, - deydi Nomozov.