“Metallurg”: To'purarimiz “Paxtakor”ga qarshi o'yinda yordam berolmaydi

Bu ushbu jamoalarning chempionatlarimiz doirasidagi 38-uchrashuvi bo'ladi.

Ortda qolgan 37 o'yinning 30 tasi poytaxtliklarning g'alabasi bilan yakunlangan. Faqatgina 3 ta o'yinda bekobodliklar zafar quchishgan. 4 ta uchrashuvda esa kuchlar teng kelgan.

Bu yilgi mavsumning birinchi davrasida jamoalarning Toshkentda o'tkazilgan o'yinida paxtakorchilar 2:1 hisobida g'alaba qozonishdi. Uchrashuvning 52-daqiqasida Igor Sergeev hisobni ochgan bo'lsa, oradan yigirma daqiqa o'tib Zohid Abdullaev hisobni tenglashtirgandi. Biroq o'yin yakuniga etishiga o'n daqiqa qolganda SHerzod Karimovning chiroyli zarbasidan so'ng “Paxtakor” muhim 3 ochkoli bo'lgandi. Bu gol paxtakorchilarning “Metallurg” darvozasiga kiritgan 100-goli bo'lgandi. Bo'lg'usi uchrashuvlarda bekobodliklar tomonidan kiritiladigan birinchi gol “Metallurg”ning “Paxtakor” darvozasiga urgan 30-goli bo'ladi.

Bekoboddagi uchrashuvda “Metallurg”ga jamoa to'purari Zohid Abdullaev yordam berolmaydi. Uning o'tgan turda “Obod”ga qarshi kechgan o'yinda “ishlagan” sariq kartochkasi mavsumdagi to'rtinchi ogohlantirishi bo'ldi va Z.Abdullaev chempionat Reglamentiga binoan navbatdagi turni o'tkazib yuborishga majbur.   

 
Metallurg (Bekobod) – Paxtakor (Toshkent)
Hakamlar: SH. Qosimov (Toshkent), F. Yormuhammedov (Toshkent), B. Bahromov (Toshkent), N. Qosimov (Qarshi).
Nazoratchi: A. Popov (Toshkent).
O'zPFL vakili: V. Letkin.