"Nasaf": "Metallurg" bilan o'yinga 1 kun qoldi
/ Kiritdi: BestMaster O'qilgan: 1564
"Nasaf" jamoasi o'z qarorgohida "Metallurg" bilan bo'ladigan o'yinga jiddiy hozirlik ko'rmoqda.
Kecha jamoamiz azolari o'zlarining navbatdagi mashg'ulotlarini o'tkazishdi.
Ro'ziqul Berdiev boshchiligida o'tgan mashg'ulotlarning asosiy qismida futbolchilarimiz turli xil kombinacion o'yin tashkil etish, darvozalarga zarba berish bobida mehnat qilishdi.
"Metallurg" bilan o'yinga tobora oz muddat qolmoqda. Futbolchilarimiz buni his qilgan holda Bekobodda bo'ladigan bahsga jiddiy tayyorgarlik ko'rishmoqda.
Ushbu bellashuvni jamoamizning ikki nafar himoyachilari SHuhrat Muhammadiev va Hamza Karimov o'tkazib yuborishadi. SHuhrat Muhammadievning ogohlantirishlari soni to'rttaga etganligi sababli murabbiy uning xizmatidan foydalana olmaydi. Hamza Karimov esa hozirda jarohatini davolash bilan band.
Hamza Karimov keyingi hafta o'rtalaridan mashg'ulotlarga kirishishi kutilmoqda.
Eslatib o'tamiz, Oliy liganing 24-turi doirasidagi "Metallurg"ga qarshi o'yin 30 sentyabr kuni Bekobod shahrida bo'lib o'tadi.
Bosh sahifaga
364