Alisher Mahmudov: “Maqsadimiz g'alaba qozonib, muxlislarni xursand qilish”

Mazkur uchrashuv “lochinlar” uchun muhim ahamiyatga ega sanaladi. SHu sababli “Navbahor” jamoasi o'yinga munosib tarzda hozirlik ko'rishga intilishdi. “Navbahor”ning etakchi futbolchilaridan biri Alisher Mahmudov “Olmaliq” bilan o'tadigan o'yin oldidan o'z fikrlari bilan o'rtoqlashdi: - Oldimizda jiddiy o'yin turibdi. O'z maydonimizda bo'lib o'tadigan uchrashuvda g'alaba qozonishimiz shart. Aynan shu sababli “Olmaliq” bilan o'tadigan bahsga munosib tarzda tayyorgarlik ko'rdik. Oldimizda g'alaba qozonish va muxlislarni xursand qilishni maqsad qilib qo'yganmiz. G'uzorda “SHo'rtan” bilan o'tgan o'yinda g'alaba qozona turib so'nggi soniyalarda mag'lubiyatga uchrash rosa alam qilgandi. O'tgan vaqt davomida o'sha mag'lubiyatni unutgan holda mashg'ulotlarda qatnashdik.