O'zbekiston o'smirlar terma jamoasini Osiyo chempionatiga kuzatish marosimi bo'lib o'tdi

Bu haqda O'FFning "Feysbuk"dagi sahifasi xabar berdi.

Ushbu marosimida O'zbekiston futbol federaciyasi prezidenti Mirabror Usmonov, O'FF bosh kotibi Sardor Rahmatullaev, Terma jamoalar Markazi direktori Asqar Tolibjonov, O'zbekiston terma jamoasi bosh murabbiyi Samvel Babayan ishtirok etdi.

15 sentyabrda boshlanadigan Hindistondagi Osiyo chempionatida O'zbekiston o'smirlar terma jamoasiga Temur Olimxo'jaev ustozlik qiladi va unga Ahmadjon Musaev yordam beradi.

Futbolchilarimiz turnirning "D" guruhida KXDR, Yaman, Tailand terma jamoalariga qarshi maydonga tushishadi.

O'zbekiston o'smirlar terma jamoasi o'zining ilk o'yinini 17 sentyabr kuni Tailandga qarshi o'tkazadi. Bahs Toshkent vaqti bilan 20:30da boshlanadi.