Andrey Miklyaev: "CHempionlik haqida gapirishga erta"

- Birinchi bo'limda bizga o'yin ritmi etishmagandek bo'ldi. Ikkinchi taymda esa o'zimiz istagandek o'ynay boshladik va yaratilgan vaziyatlardan unumli foydalandik. Yakunda esa bu bizga muhim g'alabani taqdim etdi. O'yindan qoniqdim. Ayniqsa ikkinchi bo'limda jamoamiz yorqinroq o'ynadi.

Bizni juda muhim va o'ta qiyin kechishi kutilayotgan jiddiy bahs kutmoqda. "Al Ayn"ga qarshi o'yindan oldin hech qanday muammolar bizni qiynayotgani yo'q. Umuman olganda, biz kerakli tartibda tayyorgarlikni davom ettirmoqdamiz. Umid qilamanki, "Al Ayn" bilan bo'ladigan bellashuvda butun o'zbekistonlik muxlislarni xushnud etamiz. Barcha harakat shunga qaratilgan.

Stepanovich va Zoteevda jarohat mavjud. SHu bois ular safda emas.

CHempionlik? Yo'q, hali bu haqida gapirishga ancha erta. Bizni oldinda juda qiyin va muhim bahslar kutmoqda. Ustiga-ustak taqvim ham ancha tig'iz kelmoqda.