O'smirlarimiz Hindistonga jo'nab ketdi

Osiyo chempionatida ishtirok etadigan terma jamoamiz mahalliy iqlimga moslashish maqsadida musobaqa boshlanishidan bir hafta oldin Hindistonga yo'l oldi. O'smirlarimiz musobaqadagi ilk o'yinini 17 sentyabr kuni Tailandga qarshi o'tkazadi. Unga qadar rejadan Avstarliya bilan o'rtoqlik uchrashuvi o'rin olgan. Mazkur bahs 11 sentyabrga belgilangan.

Eslatib o'tamiz, o'smirlarimiz bilan bir guruhdan shuningdek, Yaman va KXDR joy olgan. Bu raqiblarga qarshi bellashuvlar mos ravishda 20-, 23 sentyabr kunlari bo'lib o'tadi.