Sergey Kovshov: "Jamoamiz bugun o'zining eng yaxshi o'yinlaridan birini ko'rsatdi"
/ Kiritdi: BestMaster O'qilgan: 986
Oliy liga 21-tur doirasida bo'lib o'tgan “Qizilqum” – “Qo'qon-1912” jamoalari bahsidan keyingi matbuot anjumanining birinchi qismida Qo'qonliklar katta murabbiyi Sergey Kovshov ishtirok etdi.
- Bugun biz safarda o'ynashimizga qaramay o'zimizning eng yaxshi o'yinlarimizdan birini ko'rsatdik.Futbolchilarimiz bugun ochko olish uchun barcha ishni qildilar. Bugungi o'yindan barchamiz qoniqdik va yigitlarimizga o'yin uchun rahmat demoqchiman. Hisob o'yinga yarasha bo'ldi, biroq vaziyatlar bo'yicha biz uch ochko olishga yaqin edik.
Otabek Haydarov bugun jarohatidan forig' bo'lib maydonga qaytdi. Biz uni CHirchiqdagi yig'inimiz mobaynida o'yinlarga tayyorladik. Otabek bugun futbol o'ynay olishini ko'rsatdi.O'zining birinchi golini kiritdi. O'ylaymanki u hali jamoamizga ko'p foyda keltiradi.
Mirjalol Qurbonov jarohatidan so'ng o'yinga to'liq tayyor emas edi. Balki keyingi turda maydonga tushishi mumkin.
Navoiyda juda sifatli maydon va barcha qulayliklarga ega bo'lgan stadion bor. Bunday maydonda qani endi yoshligimga qaytib futbol o'ynasam.
"Qo'qon-1912" matbuot xizmati
Bosh sahifaga
133