Ignatiy Nesterov: “Eng yaxshi mashg'ulot bu o'yin”

Ushbu uchrashuvdan so'ng “temiryo'lchilar” darvozaboni Ignatiy Nesterov o'z fikrlarini bildirdi.

“Avvalambor barcha jamoadoshlarim va muxlislarni g'alaba bilan tabriklayman. Birinchi bo'limda biroz qiyin bo'ldi, terma jamoaga ayrim futbolchilar chaqirilganini barcha yaxshi biladi. Ushbu o'yinga tayyorgarlik ko'rish uchun bizda 2 kun vaqt bo'ldi. Ikkinchi bo'limda jamoadoshlarim yaxshi o'yin ko'rsatdi va g'alaba qozondik. Raqibimiz birinchi bo'limda bizga munosib qarshilik ko'rsatdi. Ikkinchi bo'limda ular jismonan toliqib qolishdi va 3 ta golni o'z darvozasidan olib chiqdi. Albatta ushbu o'yin “Al-Ayn”ga qarshi tayyorgarlik vazifasini o'tab berdi. Bizda har bir uchrashuvlar OCHL o'yinidan oldin tayyorgarlik vazifasini o'tab beradi. Eng yaxshi mashg'ulot bu o'yin”, - deydi “Lokomotiv” klubi posboni Ignatiy Nesterov.

Jahongir Sotvoldiev