Sergey Lushan: "Lokomotiv"ga ham "Obod"ga ham bir xil tayyorgarlik ko'ramiz"

Uchrashuvdan keyin o'tkazilgan matbuot anjumanining ikkinchi qismida "Qaldirg'ochlar" ustozi Sergey Lushan qatnashdi.

"G'alaba qozondik, men uchrashuvdan qoniqish hosil qildim. O'yindan to'liq zavq olmagan bo'lsakda, muhim uch ochkoni qo'lga kiritdik", - deydi Lushan.

- O'yindan qoniqish hosil qilmaganingiz sababi?
- So'nggi daqiqagacha o'ynay olishimizni ko'rsatishimiz kerak. Tezkor goldan keyin o'yinni qo'yib yuborish bo'lyapti. Bunda bizni ham aybimiz bor, balki futbolchilarni psixologik jihatdan tayyorlay olmayotgandirmiz.

- Siz uchun autsayderga qarshi jamoani tayyorlash qanchalik qiyin?
- "Lokomotiv"ga ham "Obod"ga ham bir xil tayyorgarlik ko'ramiz. Yo'qotgan ochkolarimizni ko'rsangiz o'rtamiyona klublar.

- Hamdamovni o'yini chiqmadi!?
- U so'nggi ikki yarim haftani MTJ ixtiyorida o'tkazdi. Afsuski, maydonga tushmaganligi pand berdi. Lekin to'g'ri aytasiz, o'tgan yilgi o'yinini yo'qotib qo'ygandek.

- Ahmadaliev va Qodirqulovni bu yil ijaradan qaytarib oldingizlar, ammo ularni bu yil asosiy tarkibda ko'rmayapmiz?
- Ahmadaliev SHorahmedovning o'rinbosari. Hozir Akmal yaxshi formada. Bunday paytda uni almashtirishga ehtiyoj yo'q. Undan tashqari, o'rinbosarlar safida bizda hozir Karpenko va Karimov o'ynovchi murabbiy sifatida to'p tepyaptilar. Buni ularga foydasi katta.

- Sizlar faqat "Neftchi"ga mag'lubiyatga uchradingizlar. "Neftchi" esa so'nggi turlarda ko'plab ochkolarni yo'qotyapti. SHu haqda o'ylaysizmi?
- Yo'q. Yutqazdik, yutqazdik. O'tdi ketdi. Oldimizda muhim o'yinlar bor. Kubok bor. SHu o'yinlarda g'alaba qozonishimiz kerak. Bugun "Obod" bilan o'yinni unutamiz va "Paxtakor"ga qarshi o'yinga tayyorgarlikni boshlaymiz.