2-liga. "Pulka" uchun kurash davom etmoqda

8-tur natijalariga ko'ra peshqadam SKIF jamoasi 6 o'yindan 12 ochko jamg'argan, bir yo'la to'rtta klub - "Bunyodkor-A", "O'rikzor", "Namuna" va "Paxtakor-1" bir xil 10 ochkoga ega.

Ushbu bosqichda g'olib chiqqan klub "Pulka"da ishtirok etadi.

Kecha "Tramvaychi" hamda "O'rikzor" jamoalari o'rtasidagi uchrashuv o'tkazildi.

Uchrashuvning birinchi bo'limida tashabbus ko'proq "O'rikzor" tarafida bo'ldi, yaratilgan qulay imkoniyatlardan foydalanishga kelganda futbolchilar oqsashdi. Mezbonlar esa qarshi hujumlarning birini golga aylantirishdi. Ikkinchi bo'limda esa mezbonlar "Tramvaychi" jamoasida golli vaziyatlar ko'proq yuzaga keldi. Ikkita vaziyatda mehmonlar darvozaboni Mirsodiq Maxamatov jamoasini goldan qutqarib qolgan bo'lsa, yana bir nechta holatlarda omad mezbonlardan yuz o'girdi. O'yinning so'nggi daqiqalarida mehmonlar vaziyatni o'nglash uchun ketma-ket hujumlar uyushtirishdi. Uchrashuvga hakam tomonidan qo'shib berilgan ikkinchi daqiqada "O'rikzor" jamoasi sardori Doniyor Usmonovning burchak zarbasidan etkazib bergan to'pini zahiradan maydonga tushgan Abdulla Yo'ldoshev boshi bilan raqib darvozasiga joylab qo'ydi. SHu tariqa, "O'rikzor" so'nggi daqiqada mag'lubiyatdan qutulib qoldi va o'z hisobiga bir ochko yozib qo'ydi.

"Tramvaychi" - "O'rikzor" 1:1
Gollar: Baxtiyor 30 - A.Yo'ldoshev 90+2

"O'rikzor": Mirsodiq Maxamatov, SHerzod Qodirov, Abdurashid Valixonov, Abdulla Mahkamov, Jamshid Islomxo'jaev, Aziz Toxirov, Doniyor Usmonov, Nuriddin Nasriddinov, SHukur Mo'minov, Bekzod Mirsaidov, Bahrom G'ofurov.
Zahira: Zoir Toshmatov, SHoyqul Rahimov, Aziz Aminjonov, Abdulla Yo'ldoshev, Turg'unpo'lat Turg'unov, Muhamadazim Nurmatov, I.G'aynazarov.

Uchrashuv yakunlangach "O'rikzor" bosh murabbiyi Baxtiyor Ergashev fikrlarini bildirib o'tdi.

- Bugun juda og'ir o'yinni o'tkazdik. Raqib o'yinchilari jismonan baquvvat bo'lgani uchun yigitlar qo'shimcha kuch bilan o'ynashga majbur bo'lishdi. Tarkibimiz yosh o'yinchilandan iborat bo'lgani uchun biroz tajriba etishmayapti. Har o'yinda birinchi bo'lib to'p o'tkazib yuborib, keyin hisobni tenglashtirmoqdamiz.
Jamoamizga imkoniyatlardan unumli foydalanadigan hujumchi etishmayapti, ayni paytda tarkibimizda bor yosh hujumchilarimizni o'stirishga harakat qilayapmiz.

8-tur
"Namuna" - SKIF 0:0
"Paxtakor-1" - "Lokomotiv BFK" 1:0
"Paxtakor-2" - "Bunyodkor-A" (qoldirilgan)
"Tramvaychi" - "O'rikzor" 1:1

Qoldirilgan uchrashuvlar:

1-tur
SKIF - "Namuna"
"Bunyodkor-A" - "Paxtakor-2"
"O'rikzor" - "Tramvaychi"

2-tur
"Paxtakor-1" - "Bunyodkor-A"

5-tur
"Paxtakor-1" - "Paxtakor-2"

6-tur
SKIF - "Paxtakor-2"

#	Jamoa	U	G'	D	M	T-N	O
1	SKIF	6	1	3	0	5-2	12
2	Bunyodkor-A	6	2	4	0	8-5	10
3	O'rikzor	8	2	4	2	15-14	10
4	Namuna	8	2	4	2	14-13	10
5	Paxtakor-1	6	3	1	2	6-10	10
6	Lokomotiv BFK	9	2	2	5	14-14	8
7	Tramvaychi	8	1	4	2	9-11	7
8	Paxtakor-2	5	2	0	3	10-11	6

FK "O'rikzor" Matbuot xizmati