Andrey Miklyaev: "Lokomotiv"ni keyingi bosqichga olib chiqadigan istalgan natija meni qoniqtiradi"

Unga jamoa hujumchisi Temurxo'ja Abduxoliqov hamrohlik qildi.

"Klubni keyingi bosqichga olib chiqadigan istalgan natija meni qoniqtiradi. Albatta keyingi bosqichga chiqishni istaymiz. Ammo imkoniyatlarni teng deb baholayman", - deydi Miklyaev.

"Barchani Hayit bayrami bilan tabriklayman. O'yinga kelsak juda qiziqarli o'yin bo'ladi. Bizning ustunligimiz o'z uyimizda o'ynashimiz. Nasib qilsa keyingi bosqichga chiqamiz", - deydi Temurxo'ja Abduxoliqov.

- Raqib safida Kayo o'ynadi. Uni o'rganib chiqdingizmi?
- Albatta raqib safida mahoratli futbolchilar o'ynashadi. Kayoni o'rgandik. Ammo menga raqib safida Omar Abdulrahmon va Asprilla kabi futbolchilar yoqdi.

- Jarohat olganlar bormi?
- Afsuski ha. Stepanovich jarohat olib safdan chiqqan. O'tgan o'yinda SHerzod Fayziev jarohat oldi.

- Oliy ligada to'purarsiz, ammo OCHLda golsiz seriya cho'zilib ketdi...
Temurxo'ja Abduxoliqov: - Albatta, oliy liga bilan OCHLni solishtirib bo'lmaydi. Ertaga imkon qadar gol urishga va jamoamga g'alaba keltirishga urinaman.

- Jamoa penaltilar seriyasiga tayyormi?
- Ha tayyor.

- Raqib safida qaysi futbolchini alohida ko'rsatgan bo'lardingiz?
Temurxo'ja Abduxoliqov: - "Al Ayn" safida mahoratli futbolchilar ko'p. Ularni birma bir sanab o'tirish shart emas deb o'ylayman.

- Ertaga jamoa qanday o'yin ko'rsatadi hujumkor yoki himoyaviy?
Temurxo'ja Abduxoliqov: - O'yindan oldin barcha kartalarni ochib yuborish to'g'ri bo'lmasa kerak. Lekin shaxsan menga hujumkor o'yin yoqadi, murabbiylar qanday taktika tanlashsa shunday o'ynashga tayyormiz.


Narzulla Saydullaev