Andrey Miklyaev: "O'yin borasida yutqazmadik, shunchaki bugun bizning kun emasdi"

"Eng avvalo raqibni keyingi bosqichga chiqqani bilan tabriklayman. Gol o'yin tizginini o'zgartirib yubordi. Vaziyatlarimiz ko'p bo'ldi. Bugun bizning kunimiz emas ekan. O'yin so'nggida bor kuchimiz bilan oldinga o'tgandik. Agar golni biz birinchi bo'lib kiritganimizda barchasi boshqacha bo'lardi. Ammo, bunday jamoaga qarshi o'ynash oson bo'lgani yo'q. 

Muxlislarga albatta minnatdorchilik bildirib qolaman.

O'yin borasida yutqazganimiz yo'q. Aytganimdek, bugun bizning kunimiz emasdi. 

Oleg Zoteev? Uning jarohati bor edi. Tavakkal qilishni istamaganimiz uchun uni asosiy tarkibda maydonga tushirmadik. 

Afsuski, hujumchimiz Stepanovich kutilmaganda jarohat oldi. Bugun qo'l ostimizdagi imkoniyatlarimizdan foydalandik. Albatta, jamoa safida tajribali hujumchi bo'lgani yaxshi.

Maydon sifati? Yigitlar bu borada hech qanday shikoyat qilmadilar. Raqib futbolchilari ham o'z o'yinlarini ko'rsatishdi deb o'ylayman.

Yana bir marotaba qo'llab-quvvatlovlar uchun barcha-barchaga o'z minnatdorchiligimni bildirib o'tmoqchiman", - deya matbuot anjumanidagi fikrlarini yakunladi Andrey Miklyaev.

Aziz To'xtamurodov