Reyna: "Napoli"da primadonnalar yo'q, hamma ter to'kib ishlaydi"

"Biz o'yinni yaxshiroq boshqarishimiz kerak edi, ammo CHempionlar ligasining birinchi bahsini mehmonda o'tkazish oson emas. Asosiysi - biz turnirni yaxshi boshladik, birinchi o'yinda mag'lub bo'lmaslik kerak edi.

Milik kelajakda bizga katta yordam beradi va Gabbyadinidan ham ko'plab gollar kutamiz. Yangi futbolchilarimiz o'yinimizga qo'shilib ketdi va bor kuchi bilan ishlashmoqda. Bizda primadonnalar yo'q, hamma ter to'kib ishlaydi va birga oldinga intiladi.

Biz yaxshi himoyalanadigan va mag'lub etish qiyin bo'lgan jamoa bo'lishimiz kerak. Bu biznig asosiy kuchimiz bo'lishi lozim. Biz ko'p gol uryapmiz va bu bizga g'alaba qozonishda yordam bermoqda" - deydi Reyna.